Nakaplagan nga patayng lawas sa usa ka lalaki sa sapa sa Purok 2, Barangay Crossing Rubber, munisipyo sa Tupi, South Cotabato niadtong nakalabay nga adlaw.
Giila ang biktima nga si Raul Jorda Bendoy nga residente usab sa maong lugar. Sumala sa mga otoridad, wala silay nakitang samad o timailhan nga adunay gihimong kadaot sa lawas sa biktima, busa gamay ang posibilidad nga adunay foul play o krimen nga nahitabo.
Base sa unang impormasyon, gituohang posibleng giatake sa sakit ang biktima samtang naa sa sapa. Nahibaluan usab nga sa wala pa ang insidente, nagreklamo kini nga nagsakit ang likod sa iyang tangkugo.
Padayon karon ang imbestigasyon sa kapulisan aron makumpirma ang tinuod nga hinungdan sa iyang kamatayon.
Photo Courtesy: Tupi MPS
