Nakuha ang duha ka prestihiyosong award si Anne Curtis sa Laurus Nobilis Media Excellence Awards nga gipahigayon sa Lyceum of the Philippines University Cavite.
Ang noontime show nga It’s Showtime gipili isip Media Excellence in Variety Show Program, samtang si Anne Curtis ug Vice Ganda ang midaog sa Female ug Male Media Excellence in Variety Show Hosting tungod sa ilang kamaayo sa pag-host sa programa.
Samtang, ang teleserye nga It’s Okay to Not Be Okay nakadaog sa Media Excellence in Television Drama Program. Gihatagan usab og acting awards si Anne Curtis ug Joshua Garcia isip Media Excellence in Television Drama Acting (Female ug Male) alang sa ilang pagdala sa character isip Mia ug Patpat sa serye.
Ang Laurus Nobilis Media Excellence Awards nagpasidungog sa mga programa ug personalidad sa media nga nagpakita sa kaayo ug nagrepresentar sa mga Lycean values.
Photo courtesy: kapamilya
