Hingpit na gilunsad sa BINI ang ilang back-to-back singles nga “Unang Kilig” ug “Honey Honey”, nga naghatag og kilig sa fans ug nagpabilin nga trending sa music scene.
Ang kantang “Unang Kilig”, gisulat ug giprodyus ni Jeremy G, naghisgot sa kalipay ug kahinam sa nagsugod pa lamang nga gugma. Sa music video, makita ang charming nga pagdala sa mga miyembro sa BINI isip aspiring actresses nga miagi sa audition process ubos sa mga batikang personalidad sa industriya sama nila Charo Santos-Concio, Cathy Garcia-Sampana, Olivia Lamasan, ug Ogie Diaz. Apil usab ang Kapamilya actors nga sila Vhong Navarro, Richard Gutierrez, ug Gerald Anderson, nga makita sa BINI Official YouTube channel.
Gilusad usab ang “Honey Honey” isip sorpresa alang sa ilang fans nga gitawag og BLOOMs. Ang kanta, gisulat ug giprodyus nila Jacob Munk ug Pontus Kalm, naglibot sa katam-is sa gugma ug sa paghatag bili sa matag higayon uban sa hinigugma. Apil usab sa proyekto ang Grammy-winning songwriters nga sila Greg Shilling ug Melanie Fontana, ingon man si Khimo Gumatay sa Star Music.
Photo Courtesy: Style Vanity
