Malaumon ang transport sector nga mahapsay na ang pagpatuman sa Local Public Transport Route Plan o LPTRP karong umaabot nga Marso 15.
Sumala pa ni Luzminda Escobidal, General Manager sa Pontrasco, human sa pipila ka meetings tali kanilang mga transport groups ug lokal nga panggamhanan sa syudad, nagalaom sila nga matutokan ug mamonitor na kini nga implementasyon sa LPTRP labi pa nga dugay na kining gisuspende tungod sa mga kakulian ug kalibog sa mga commuters.
Hangyo sab niya ngadto sa mga Barangay officials nga adunay kabahinan sa implementastyon sa LPTRP nga pakusgan ang information drive ngadto sa ilang mga ginsakpan kalabot na sa mga ruta nga ipatuman ug sundon sa public transport.
Gihangyo sab niya ang mga commuters nga maggahin og dugang pasensya ug pagtuon sab mismo sa mga ruta nga pagasubayon ilawom sa Local Public Transport Route Plan.
Photo courtesy: Cagayan de oro City-LGU
