Nangusog ang City Scholarships Office sa Cagayan de Oro nga walay bisan usa ka scholar nga gitangtang tungod sa kolor sa politika sa ilang pamilya.
Kini ang klarong pahayag ni Petals Dahay, Chief sa City Scholarships Office sa LGU CDO, atol sa ilang pagbisita sa Cagayan de Oro Press Club sa Meet the Press program.
Matud ni Dahay, propesyonal ug non-partisan ang ilang opisina, ug ang paghatag o pag-undang sa scholarship nakabase lamang sa gabayan sa kontrata nga gipirmahan sa estudyante ug sa opisina.
Anaa sa kasabotan ang mga guidelines lakip ang admission process, mga requirements, academic performance standards, ug ang mga kondisyon nga mahimong hinungdan sa pagka-undang sa scholarship.
Gipasabot usab niya nga ang City Scholarships Office naglihok subay sa tin-aw nga gabayan aron masiguro nga patas ug transparent ang pagpatuman sa programa. Ug ga respeto si Mayor Klarex Uy sa political affiliations sa pamilya sa city scholar.
Photo courtesy: CDO City Scholarships Office
