Giklaro sa Department of Migrant Workers (DMW) sa publiko kalabot sa mikatap nga fake news diin ang DMW ug OWWA mohatag og ₱150,000 nga financial assistance.
Matod sa DMW, dili tinuod ang maong balita ug niining subo nga panahon, nakatutok ang gobyerno sa pagsiguro sa kaluwasan ug kaayohan sa mga OFW, diin aduna pay mga tawo nga nagpakaylap og sayop nga impormasyon.
Dugang sa DMW, adunay mga naggamit sa AI nga mga video ug uban pang mga pamaagi aron mahimo silang lehitimo tan-awon.
Ang departamento nagpahinumdom sa tanan nga mahimong alerto ug dili dayon motuo sa mga post o video nga dili gikan sa beripikadong sources.
Photo Courtesy: PIA
