Ubay-ubay ang mga naka saksi sa kalangitan niadtong Martes, Marso 3, sa usa ka total lunar eclipse o mas nailhan nga “Blood Moon”, sumala sa Philippine Atmospheric, Geophysical and Astronomical Services Administration (PAGASA).
Gipaabot sa PAGASA nga ang eclipse makita sa Maynila ug sa uban pang parte sa Pilipinas sulod sa 59 minuto ug 24 segundo. Ang buwan unang makita nga partially eclipsed sa alas 5:58 sa hapon, mosulod sa total eclipse sa alas 7:04, ug moabot sa maximum eclipse sa alas 7:34, diin 100% natabunan sa umbral shadow sa Yuta ang buwan.
Apan dili lang kahibulongan sa kalangitan ang gibantayan sa mga Pinoy kundili ang daghan nga patuotuo kauban sa pagtan-aw sa Blood Moon.
Sumala sa karaang pagtuo, ang eclipse nagdala og peligro sa mabdus ug sa bata sa gisabak. Giingon nga si Bakunawa o ang halas motugaw sa unom ka buwan nga gihimo ni Bathala, nga mao ang mugos sa eclipse, busa gipahinabo ang kasaba aron isalikway kini.
Ang uban nagtuo nga ang direktang pagtan-aw sa eclipse mahimong hinungdan sa pagkabuta, mao nga gitabunan ang bintana ug pultahan og itom nga tela aron malikayan ang dautang espiritu.
Giingon usab nga ang pagkaon nga gihimo o giluto sa panahon sa eclipse dali ra mapan-os, busa daghan ang maglikay o pagkaon niini.
Sumala sa “The Old Farmer’s Almanac,” ang eclipse makapahinabo og kalibog sa huna-huna ug mahimong hinungdan sa aksidente o bayolente nga pamatasan. Sa kasaysayan, ang uban misumpay nga senyales usab kini sa pag-abot sa katalagman sama sa linog, busa nagpadayon ang kahadlok ug pag-amping sa mga katawhan panahon kong mahitabo ang blood moon.
Photo Courtesy: Qazinform
