Nadakpan ang usa ka lalaki nga gituohang nangawat og pahumot sulod sa usa ka business establishment sa Barangay Visayan, Tagum City, niadtong nakalabay nga adlaw.
Base sa report, miadto sa kapulisan si alyas Reeboden, 35-anyos, minyo, usa ka security guard sa maong establisyemento, aron itugyan ang nadakpang suspek nga giilang si alyas Mhel, kinsa giingon nasakpan nga nanghilabot og pahumot.
Sumala sa imbestigasyon, nasakpan ang maong lalaki atol sa body frisk sa empleyado sa frisking area sa kompanya ug wala na kini kapalag human narekober gikan sa iyang posesyon ang usa ka plastik nga botelya sa pahumot nga nagkantidad og Php 95.00.
Gipahibalo ang suspetsado sa iyang mga katungod sa pinulongan nga iyang nasabtan. Sa pagkakaron, gipabilin siya sa kustodiya sa estasyon samtang giandam ang mga dokumento alang sa pormal nga pagsang-at og kaso batok kaniya.
Photo courtesy: Credibly
