Plano nga pasakahan ni Secretary of the Department of the Interior and Local Government Jonvic Remulla ug kasong kurapsyon ang hepe sa Bureau of Fire Protection (BFP) nga si Jesus Fernandez uban sa 50 ka uban pang opisyal.
Matod pa ni Remulla nga personal niyang isumite ang mga reklamong grave misconduct ug paglapas sa Anti-Graft and Corrupt Practices Act sa Office of the Ombudsman.
Ang mga kaso kabahin sa mga alegasyon sa giingong pag-angkon sa gatusan ka milyon nga pondo ug giakusahan usab ang pipila ka opisyal sa giingong bid-rigging sa procurement sa mga fire truck gikan sa 2021 hangtod 2025.
Kahinumdoman nga una nang gihulagway ni Remulla nga cancerous ang giingong kaylap nga kurapsyon sulod sa BFP. Tungod niini, nakadesisyon siyang magpasaka ug reklamo ug kini kabahin matod pa sa iyang kampanya sa pagpalig-on sa mga institusyon ubos sa iyang pagdumala.
Photo Courtesy: Rappler
