Nanawagan ang Department of Energy (DOE) sa pribadong sektor nga pagdaginot sa paggamit sa gasolina taliwala sa nagpadayon nga gubat sa Middle East.
Sumala sa DOE Secretary ug Inter-Agency Energy Efficiency and Conservation Committee (IAEECC) Chairperson nga si Sharon Garin, wala pa’y kasiguroan kung kanus-a mahimong lig-on ang suplay sa gasolina tungod sa tensyon sa Middle East.
Mao kini ang hinungdan nga ang DOE karon nagpasiugda sa pagdaginot sa gasolina sa pribadong sektor sa tibuok nasud.
Sa usa ka pahayag nga gipagawas sa DOE, ang ahensya adunay lista sa daghang mga pamaagi sa pagdaginot ug pagkonserba sa gasolina nga kinahanglan ipatuman sa tanan nga mga entidad sa gobyerno.
