Dakpan sa mga personahe sa Cateel Municipal Police Station kauban ang laing mga operatiba ang duha ka mga indibidwal atol sa gikasang search warrant operation pasado alas 4:45 sa hapon niadtong Marso 4, 2026 didto sa Sitio Lumao, Barangay Alegria, Cateel, Davao Oriental.
Giila ang mga dinakpan nga sila alyas “Cherry White”, 51 anyos, babaye, dalaga, walay trabaho ug alyas “Koreano”, 52 anyos, lalaki, Minyo, walay trabaho ug pulos lumolopyo sa maong lugar.
Atol sa operasyon nasakmit gikan sa mga suspek usa (1) ka yunit sa Caliber .38 revolver nga walay serial number nga adunay sulod nga usa (1) ka buok buhing bala, usa (1) ka yunit nga Caliber .45 pistola nga walay serial number nga adunay sulod nga pito (7) ka buok buhing bala, 16 ka piraso sa ₱1,000.00 peso bill ug uban pang mga ebidensya.
Sa pagkakaron ang mga dinakpan uban sa mga nasakmit nga butang gikustodiya na sa Cateel Municipal Police Station alang sa tukmang disposisyon ug mag atubang sila sa kasong paglapas sa RA 9165 (Comprehensive Dangerous Drugs Act of 2002), RA 10591 (Comprehensive Law on Firearms and Ammunition) ug RA 9516.
Photo Courtesy: PCR CATEEL
