Gipaambit sa mga eksperto sa pagtuon sa Psychology ug Gerontology nga posibleng muresulta sa dali nga pagkatigulang ang tawong kanunay masuko ug sobra ka stress.
Sumala pa nila nga ang emosyon sama sa kasuko makapadugang sa stress hormones nga mahimong makadaot sa mga selula sa lawas ug makapahinay sa tawo.
Gani, makita usab ang mga timailhan sa tawong dali masuko tungod kay adunay mga wrinkles ingon man kanunay nga kapuyon ang lawas ug adunay uban pang health issues.
Dugang pa, ang kanunay nga negatibong emosyon mahimo usab nga makaapekto sa kahimsog sa kasingkasing, presyon sa dugo ug pangisip sa usa ka indibidwal.
