Gibutyag ni President Donald Trump, nga wala pa’y planong magpadala og mga sundalong Amerikano aron mosalmot direkta sa giyera batok sa Iran.
Sumala sa pamahayag ni Trump, iya pang gisusi pag-ayo ang kahimtang sa tensyon tali sa duha ka nasud og tan-awon kung kinahanglan ba nga magdeploy og tropa. Dugang pa niini nga kung makita niyang importante ug kinahanglanon, andam siyang mohimo og lakang.
Gipasabot usab ni Trump ang pipila ka rason sa ilang pag atake sa Iran nga matod niya, wala gidawat sa Iran ang pasidaan sa Estados Unidos nga adunay grabeng sangputanan ang padayon nga pagpalambo sa nuclear weapons.
Dugang usab niya, posible pa nga moabot og lima ka semana una mokalma ang kasamtangang kagubot sa rehiyon.
Padayon karon nga ginabantayan sa Estados Unidos ang kahimtang samtang naghulat sa posibleng mga sunod nga kalihokan sa Iran.
Photo Courtesy: Exame
