Giasikaso na sa Department of Migrant Workers (DMW) ang pagpauli sa patayng lawas sa namatay nga Pinay caregiver sa Israel, nga giilang si Mary Ann Velazquez de Vera, human kini naigo sa shrapnel sa usa ka Iranian strike sa Israel sa kaniadtong nakalabay’ng adlaw.
Matod ni DMW Secretary Hans Leo Cacdac, nakig-alayon na ang iyang buhatan sa Philippine Embassy sa Tel Aviv uban ang asawa sa namatay nga Pinay nga caregiver, kinsa tua usab sa Israel, aron ma-repatriate ang patayng lawas.
Gipasalig usab sa kalihim nga ang action fund sa gobyerno maoy maghatag og financial assistance sa bana sa Filipina caregiver samtang ang Overseas Workers Welfare Administration (OWWA) mohatag og dugang ayuda alang sa haya ug burial sa namatay nga OFW.
Giawhag sa labaw sa DMW ang mga Filipino nga nagpuyo sa Israel nga magpabilin sulod sa balay o sa ilang mga trabahoan ug likayan ang paggawas, sa pagkakaron nunot sa nahitabong tensiyon sa middle-east.
Photo Courtesy: Balita-Tags
