Gisiguro ni presidente Ferdinand Marcos Jr. nga adunay igo nga suplay sa lana ang Pilipinas nga molungtad og 50 hangtod 60 ka adlaw bisan pa sa nagkagrabe nga tensiyon sa Middle East kansa gilauman nga mopataas sa presyo sa lana sa tibuok kalibutan.
Gipasabot usab niini, nga bisan posibleng mosaka ang presyo tungod sa geopolitical tensions, dili dayon mahutdan ang nasud tungod sa kasamtangang stockpile sa gasolina, fuel oil ug kerosene, dugang pa nga adunay kaugalingong imbentaryo ang mga supplier nga mahimong ipagawas.
Gipunting sa Pangulo nga ginasusi na sa pamahalaan ang contingency measures aron mapagaan ang epekto sa posibleng oil price hike sa mga konsumidor ug negosyo,
Samtang nag-awhag ang Department of Energy (DOE) sa publiko nga mogamit ug hybrid electric vehicle para makatipid sa enerhiya, dungan na usab sa giyera kung asa apektado ang supply sa lana.
Segun kang DOE Director IV for Energy Utilization Management Bureau Patrick Aquino, nagpagawas na usab sila ug rekomendasyon sa mga ahensya sa gobyerno kalabutan sa kung paunsa makamenos sa enerhiya ug gihingusgan ang paghatag ug diskwento sa lana sa public transportation.
Dugang pa ni Oil Industry Management Bureau Director Rino Abad nga posible usab ipatuman ang utay-utay nga oil price increase.
Photo Courtesy: Siasat.com
