Opisyal nang gilunsad sa Bureau of Fire Protection (BFP) – Malaybalay City Fire Station, ubos sa pagpanguna ni CINSP MA ANJELYN P PORNIA, City Fire Marshal, ang pagsugod sa Fire Prevention Month kagahapon Marso, 03, 2026
Sa eksklusibong pakighinabi sa Juander Radyo Malaybalay ngadto ni FO3 Brent Clyde Suico – Media Relations Officer sa BFP Malaybalay City nga gisugdan kini pinaagi sa usa ka motorkada nga giapilan sa nagkalain-laing ahensya sa gobyerno ug mga community responders sama sa LGU-Malaybalay, Traffic Management Center (TMC), PNP-Malaybalay, BJMP, ug ang Office of the Provincial Fire Marshal-Bukidnon, kauban usab ang mga barangay emergency responders, nga nagpakita sa lig-on nga panaghiusa sa saktong koordinasyon sa matag ahensya diha sa pagpakaylap sa impormasyon subay sa tema karong tuiga nga: “Sa Pag-iwas sa Sunog, Hindi Ka Nag-iisa”
Nagtimaan kini sa sinugdanan sa usa ka bulan nga serye sa mga programa ug kalihokan nga nakatutok sa paglikay sa sunog ug pakiglambigit sa komunidad.
Ang Malaybalay City Fire Station nagpabiling lig-on sa ilang misyon nga manalipod sa kinabuhi ug kabtangan pinaagi sa aktibong pagpahibalo ug pakigbisog batok sa mga peligro sa sunog diin pinaagi sa pagtinabangay sa gobyerno ug sa mga residente, gilauman nga mas mamahimong luwas ug “fire-safe” ang tibuok dakbayan.
Photo Courtesy: Malaybalay City Fire Station
