Balaod na ang gisang-at sa Prime Minister sa Senegal nga magdoble og silot batok sa same-sex relations, nga mahimong moresulta og hangtud sa 10 katuig nga pagkabilanggo.
Matod ni Ousmane Sonko nga si kinsa ang mapamatud-an nga naghimo og “act against nature” posibleng masilotan og lima hangtud sa 10 katuig nga pagkabilanggo gikan sa kasamtangang silot nga usa hangtud sa lima katuig.
Naduso na ang maong balaudnon ngadto sa National Assembly of Senegal human kini giaprobahan sa gabinete niadtong milabay nga semana.
Gihingusgan kini human sa pipila ka pagkasikop sa mga indibidwal nga gipasanginlan nga nakasupak sa kasamtangang balaod batok sa LGBTQ. Matod sa mga kapulisan nga sa mga gidakop ning buwana adunay pipila sa mga kalalakin-an diin lakip niini ang duha ka mga local nga personalidad ug usa ka nailhang tigbalita.
Samtang giklaro sab hinuon niini nga ang kaso sa same-sex relations lahi sa pang-abuso sa mga menor de edad. Dugay na nga sensitibong hisgutanan sa Senegal ang katungod sa LGBTQ diin kasagaran sa mga nibabag mga relihiyosong grupo.
Photo Courtesy: Terram
