Gisaksihan sa bagang katawhan ang deklarasyon ni Gov. Raul Mabanglo Atol sa tulo ka tingog sa usa ka dakong agong, alang sa pormal nga pagbukas sa ika 19th Bulawan Festival, niadtong nakalabay nga adlaw, nga gisaksihan sa liboan ka katawhan.
Sumala sa Gobernador nga ang maong selebrasyon naka sentro sa paghatag ug pasidungog sa katawhan pinaagi sa paghatag ug kahigayonan nga mapakita ang ilang talento ug abilidad ug labaw sa tanan makahatag ug nagkadaiyang kalingawan.
Dugang sa Amahan sa Probinsya nga luyo sa mga pagsulay nga nasinati sa Davao de Oro, gipanaad niini nga magapadayon ang pagsaulog sa 19th Bulawan Festival ug ika-28 nga kasumaran sa probinsya.
Samtang sa mensahe sa gobernador nahimong mahinungdanon kaniya ang maong selebrasyon tungod kay alang kaniya ang tinuod nga bulawan mao ang bagang duot sa katawhan sa Davao de Oro.
