Padayon ang pagpatuman sa Department of Education (DEPED) IX sa voucher program alang sa mga magtutungha sa Senior ug Junior High School sa tibuok Zamboanga Peninsula.
Kini subay sa gibutyag ni DEPED 9 Assistant Regional Director Dr. Gregorio Cyrus Elejorde atol sa pakighinabi sa Juander Radyo News Team. Gisaysay ni ARD Elejorde, pinaagi niini, mas mapalapad ang kahigayunan sa mga kabataan nga makakuha og kalidad nga edukasyon ilabina kadtong adunay limitadong kapasidad sa pinansyal.
Ang maong voucher program, usa ka porma sa tabang pinansyal diin ang gobyerno maoy mobayad sa tuition ug ubang bayronon sa kwalipikadong estudyante niini nga programa.
Apan pagpasabot ni ARD Elejorde, dili ipaagi sa mga tinun-an ang salapi ngadto sa mga estudyante, kundili direkta kini nga ipadala sa eskwelahan isip bayad sa mga bayrunon sa ilang pagtungha.
