Gidasig sa Persons with Disability Affairs Office (PDAO) Pagadian City ang tanang myembro nga Persons with Disabilities (PWDs) nga magparehistro sa yakap clinic provider aron mapahimuslan ang libreng konsultasyon ubos sa yakap program sa Philhealth.
Matud ni City (PDAO) Head Benjamin Bong Solivio, ang rehistradong PWDs nga adunay balidong PWD ID mahimong ma-enroll sa PhilHealth isip direktang miyembro ubos sa government-sponsored program, diin ang kontribusyon sagad ginabayaran sa gobyerno.
Dugang pa ni Solivio adunay nahinagbo nga problema sa series sa ID Number sa ilang muembro tungod kay dili makita sa portal system sa philhealth apan karon nahatagan nag solusyon.
Bisan pa niini, gikinahanglan gihapon nga sakto ug updated ang ilang rekord sa lokal nga PDAO ug sa PhilHealth aron malikayan ang problema sa verification o paggamit na unya sa benepisyo.
Sa pagkakaron, ang tumong sa programa mao ang pagsiguro nga tanang PWD adunay access sa libreng health insurance coverage ug hustong benepisyong medikal.
