Nadakpan sa kapulisan ang usa ka Regional Top 2 Most Wanted Person ubos sa Enhanced Managing Police Operations (EMPO) atol sa usa ka koordinadong operasyon sa Barangay Gata, San Agustin niadtong nakalabay nga adlaw.
Sumala kang PCOL Jeffrey Lawrence D. Mauricio, Provincial Director sa Surigao del Sur Police, ang nadakpan mao ang suspek nga giila sa alyas “Hovin,” nga gilista isip Top 2 Most Wanted Person sa regional level ubos sa EMPO.
Ang operasyon gipahigayon sa San Agustin Municipal Police Station nga gipangulohan ni PCPT Val Adrien Eigen R. Tumulak, uban ang koordinasyon sa Regional Intelligence Unit 13. Nadakpan ang suspek pinaagi sa warrant of arrest nga gipagawas niadtong Pebrero 9, 2026 sa Regional Trial Court Branch 28.
Giatubang sa suspek ang upat ka kaso sa Qualified Rape ug walay girekomendar nga piyansa sa korte. Human sa pagdakop, gipahibalo siya sa iyang konstitusyonal nga katungod ug gidala ngadto sa estasyon sa kapulisan sa San Agustin alang sa hustong dokumentasyon ug legal nga proseso.
Matod pa ni PCOL Mauricio, dako kining lakang sa padayon nga paningkamot sa mga otoridad aron matuman ang hustisya alang sa mga biktima ug mapadayon ang kalinaw ug kahapsay sa rehiyon sa Caraga ug sa probinsya sa Surigao del Sur.
Photo courtesy: SDSPPO
