Nasikop sa kapulisan ang usa ka babaye nga nag-atubang sa kasong may kalambigutan sa Cybercrime offense pinaagi sa gilusad nga joint law enforcement operation sa Purok 5, Barangay Sta. Isabel, Dipolog City niadtong nakalabay nga adlaw.
Giila ang dinakpan nga si alyas Flor, 27-anyos, single, virtual assistant ug residente sa Sitio Lawag, Barangay Galas.
Gisikop ang suspetsado pinasikad sa warrant of arrest sa Section 4 (C) sa Republic Act 10175 (Cybercrime Prevention Act of 2012), nga gipagula ni Jose Rene Gallemit Dondoyano, Presiding Judge, Regional Trial Court, 9th Judicial Region, Branch 6, Dipolog City pinetsahan ug Pebrero 18, 2026.
Adunay girekomendar nga pyansa ang korte nga nagkantidad ug Php48,000.00.
Gidala ngadto sa kustudiya sa Dipolog City Police Station ang dinakpan alang sa tukmang disposisyon.
Photo Courtesy: Slate.com
