Nadakpan sa kapulisan ang usa ka Top 1 Most Wanted Person sa regional level sa usa ka operasyon nga gipahigayon sa mga sakop sa Libjo Municipal Police Station niadtong nakalabay nga adlaw sa Sitio Maytubig, Barangay Bayanihan, munisipyo sa Libjo, Dinagat Islands.
Ang nadakpan, giila nga si alyas “Rod,” minyo, mananagat, ug residente sa maong lugar, giila isip Top 1 Most Wanted Person (Regional Level) ubos sa Manhunt Charlie campaign.
Base sa Warrant of Arrest, giakusahan ang suspek sa krimen nga Statutory Rape through Sexual Assault ubos sa Article 266-A, Paragraph 2 sa Revised Penal Code nga gi amendahan pinaagi sa Republic Act 8353, ug konektado sa Section 5 sa Republic Act 7610 o Special Protection of Children Against Abuse, Exploitation and Discrimination Act.
Ang kaso nakarehistro ubos sa Criminal Case Numbers 2911, 2912, 2913, 2914, ug 2915, ug walay girekomendang piyansa alang sa akusado.
Ang maong warrant gi-isyu ni Hon. Mario P. Menil, Presiding Judge sa Branch 32, 10th Judicial Region sa San Jose, Surigao del Norte niadtong Pebrero 5, 2026.
Gipasalig usab sa kapulisan nga magpadayon ang ilang agresibong kampanya batok sa tanang matang sa kriminalidad sa probinsyal ug sa rehiyonal nga lebel aron maprotektahan ang komunidad ug mapatuman ang balaod.
Photo Courtesy: Mother Jones
