Nasubo ang miyembro sa SexBomb Girls nga si Jopay Paguia tungod sa mga kontrobersyal nga pahayag ni Alvin Aragon batok sa reunion concert sa ilang grupo.
Si Alvin mao ang bana ni Izzy Trazona, nga kaniadto usab miyembro sa SexBomb Girls.
Sulod sa pipila ka adlaw, init nga gihisgutan online ang interview ni Alvin diin direkta niyang gisaway ang ubang bana sa mga miyembro sa grupo nga mitugot sa ilang mga asawa nga mag-perform sa reunion concert.
Giingon ni Alvin nga dili niya tugotan si Izzy nga mosayaw sa maong pasundayag.
Bisan pa sa three-night sold-out concert niadtong Pebrero 6 hangtod 8, mihimo lamang og espesyal nga pagpakita si Izzy niadtong Pebrero 7, ug wala siya mosayaw apan mikanta lang sa theme song sa ilang kaniadtong afternoon drama series nga Daisy Siete.
Sa bahin ni Jopay, iyang giingon nga ginare-respeto nila ang personal nga baruganan ni Alvin. Matod pa niya, ang pipila sa mga gisulti niini anaa man gyud sa Bibliya, apan mas maayo unta nga mag-amping sa pagpahayag aron malikayan ang kasakit o dili pagsinabtanay.
Photo courtesy: Pep.ph
