Mokabat sa ₱2.5 milyon pesos ang kinatibuk-ang kantidad nga narealease ngadto sa mga benepisyaryo sa livelihood assistance nga gihatag sa Department of Labor and Employment (DOLE) XII – General Santos City Field Office kaniadtong nakalabay nga adlaw, sa Barangay Fatima Gym, General Santos City.
Ang pondo gihatag ngadto sa san jose transport operator drivers association diin nakadawat ug ₱500,000 para sa ilang motor spare parts ug accessories trading project, samtang 73 ka individual beneficiaries nakadawat ug ₱2 milyon alang sa lain-laing mga livelihood projects sama sa frozen products, carenderia, bakery, welding, vulcanizing, dressmaking, street food vending, rice retailing, printing services, ug uban pang micro-enterprises.
Gilangkuban ang mga benepisyaryo sa mga msmes, mangingisda, ginikanan sa child laborers, ug mga self-employed nga residente ning dakbayan sa Gensan. Atol sa maong turnover, gipahinumdom ni Sheila Marie D. Dumalay, Chief Labor and Employment Officer, sa GSC Field Office, ang responsable nga paggamit sa kwarta ug ang ka importate usab nga mo sustinar ang mga proyekto.
Photo Courtesy: DOLE 12
