Dakpan sa gipahigayong drug buy-bust operation sa kapulisan ang usa ka lalaki nga vendor human nasakmitan ug ilegal nga drugang shabu sa Purok 8, Brgy Biasong, Dipolog City Zamboanga Del Norte niadtong nakalabayng adlaw.
Giila ang dinakpan nga si alyas Jhonny, 29-anyos, ulitawo, ug residente sa Zamora Extension sa susamang barangay.
Nakumpiska gikan sa dinakpan ang usa ka ga gamay nga pakete sa shabu nga nagsilbing buy- bust item ug ang 500 peso bill nga gigamit isip buy-bust money.
Dugang nasakmit gikan sa iyang posisyon ang 3 ka gagmayng pakete sa shabu, Php220.00 sa nagkadaiyang denominasyon, ug uban pang mga non-drug items.
Mokabat sa 2 ka gramo ang nasakmit nga druga nga nagkantidad ug Php13,600.00.
Tingkagol sa selda sa Dipolog City Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Dipolog CPS
