Naapil ang Philippine women’s national futsal team o Filipina5 sa Group B sa 2026 ASEAN Women’s Futsal Championships nga ipahigayon sugod Pebrero 24 hangtod Marso 2 sa Nakhon Ratchasima, Thailand.
Atubangon sa Pilipinas ang defending champion nga Vietnam women’s national futsal team, uban sa debutanteng Australia ug Myanmar. Ang host nga Thailand women’s national futsal team mangulo sa Group A kauban ang Indonesia ug Malaysia.
Mitapos sa ikalima ang Pilipinas sa miaging edisyon sa torneyo niadtong 2024 nga gihost sa Philippine Football Federation sa Philsports Arena sa Manila.
Nadaog sa Vietnam ang titulo, gisundan sa Thailand ug Indonesia, samtang ika-upat ang Myanmar.
Sa maong kampanya, napildi ang Pilipinas sa Indonesia (1-2), Vietnam (1-6) ug Thailand (0-7), apan nakakuha og 2-2 nga tabla kontra Myanmar. Sa pagdugang sa Australia ug Malaysia karong tuiga, gilauman nga mas mahimong hagit ang kompetisyon alang sa tanang partisipanteng nasud.
Photo Courtesy: GMA Network
