Nakatakdang magsangka sa usa ka exhibition bout ang duha ka bantogang boxing legends nga sila si Mike Tyson ug Floyd Mayweather Jr. karong Abril 25, 2026, didto sa Democratic Republic of Congo.
Sumala sa mga report, ipahigayon ang maong sangka sa syudad sa Kinshasa, ang dapit nga nailhan sa kasaysayan sa boksing tungod sa “Rumble in the Jungle” niadtong 1974 diin nag-abot sila si Muhammad Ali ug George Foreman.
Mismong si Tyson na ang nikumpirma sa maong balita ngadto sa TMZ Sports diin iyang giingon nga nadayon ang laban human siya gihagit ni Mayweather. Bisan pa man sa mga pagduhaduha kaniadto tungod sa uban pang mga anunsyo sa mga away, karon opisyal na nga gikasado ang petsa ug ang venue sa Africa aron sa paghandum usab sa ika-52 nga anibersaryo sa legendary fight ni Ali.
Si Tyson, kinsa mag-60 anyos na karong Hunyo, katapusang nakig-away batok kang Jake Paul niadtong Nobyembre 2024. Samtang ang 48-anyos nga si Mayweather nagpabilin nga aktibo sa mga exhibition matches bisan pa man sa iyang pagretiro nga undefeated sa professional boxing.
Photo Courtesy: Fastbreak
