Gilunsad sa Dakbayan sa Mandaue ang e-Presyo system human mopirma og kasabutan ang lokal nga kagamhanan ug ang Department of Trade and Industry aron bantayan ang presyo sa mga baligya sa merkado ug retail stores.
Matod ni Mandaue City mayor Thadeo “Jonkie” Ouano, makatabang ang sistema sa transparency, real-time price monitoring, ug pagpatuman sa balaod sa presyo, apil ang discounts sa senior citizens ug PWDs.
Gipasidaan usab sa mayor nga pahugtan ang aksyon batok sa mga retailers nga masakpan nga mosupak sa presyo ug sa mandatory discounts alang sa senior citizens ug persons with disabilities.
Giawhag usab sa DTI-7 ang hingpit nga implementasyon niini aron masiguro ang pagsunod sa suggested retail prices ug pagmonitor sa posibleng price freeze panahon sa kalamidad.
