Nagkarambola ang tulo ka sakyanan sa National Highway Barangay Kilada, Matalam, Cotabato, pasado alas 4:45 sa hapon human nag-malfunction ang brake sa usa ka Isuzu Truck nga mibangga sa likod nga bahin sa usa ka Mitsubishi Montero ug nadamay ang usa ka Rusi 125 nga Motorsiklo kaniadtong Pebrero 16, 2026.
Sumala ni Patrolman Hoemdi G. Dumalaba – Traffic PNCO sa Matalam MPS, gidala dayon sa balay-tambalanan ang drayber sa motorsiklo aron mahibal-an kung adunay samad sa iyang kalawasan. Samtang luwas ang tanan nga sakay sa truck ug Montero, ug nadaot lamang ang mga sakyanan niini.
Gipahimangnoan sa mga awtoridad ang mga motorista sa maong lugar nga mag-amping ug sundon ang speed limit aron malikayan ang possibleng susama nga aksidente sa umaabot.
Gi-awhag usab ang publiko nga regular nga tan-awon ang ilang mga sakyanan, hilabi na ang brake ug mga ligid, aron malikayan ang kalit nga disgrasya.
