Sulod na sa ika-tulong round sa Dubai Open Championship si Filipina tennis star Alex Eala human niyang mapildi si Jasmine Paolini sa score nga 6-1, 7(7)-6(5).
Ang kadaogan ni Eala nagpasabot nga abante na siya sa Round of 16 sa torneo sa iyang duwa nga nahitabo sa kadlawon karong Miyerkules, Pebrero 18. Sa unang round, nadomina sa 20-anyos nga atleta ang iyang dula, apan sa pagsulod sa ikaduha nga round, wala na magpapugong ang World No. 4 nga si Paolini. Nahimong dikit ang duwa sa ikaduhang set hangtod nga nabaliktad ni Eala ang duwa ug midaog.
Sa laing bahin, giila si Alexandra Eala isip Athlete of the Year sa Philippine Sportswriters Association (PSA) Annual Awards Night kauban ni Carlos Yulo sa usa ka hotel sa Manila.
Gihatagan si Eala sa taas nga pasidungog tungod sa iyang historic nga season sa 2025, diin nakaabot siya sa daghang milestones sama sa pagsulod sa Top 50 sa WTA rankings, pagdaug sa iyang unang WTA 125 title sa Guadalajara, ug pag-una sa Pilipinas sa gold medal sa women’s tennis sa Southeast Asian Games — usa ka unang higayon human sa daghang katuigan.
Tungod kay naglumba siya sa usa ka torneo sa gawas sa nasud, wala siya makaatend sa awarding night ug nagpadala og video message nga nagpasalamat sa parangal ug sa suporta sa iyang pamilya, team, ug sa tanang Pilipino.
Ang pagkadawat ni Alex sa Athlete of the Year naghatag og dakong garbo sa nasud ug nagsilbi nga inspirasyon sa mga kabatan-onan nga nagdamgo usab nga moabot sa taas nga antas sa ilang sports.
Photo Courtesy: ALEX EALA/ CARLOS YULO
