Patay ang usa ka 28-anyos nga dalaga human miambak gikan sa Atugan Bridge sa Barangay Capitan Bayong sa lungsod sa Impasug-ong kagahapong adlawa Pebrero 17, 2026.
Giila sa mga awtoridad ang biktima nga si Claudine Gantao Putis, lumolupyo sa Poblacion sa maong lungsod kinsa giingong nakasinati sa depresyon.
Matod sa mga nakasaksi, nakit-an pa ang biktima nga duna’y kaistorya sa cellphone sa wala pa kini milayat pasado alas-5:00 sa hapon, ug gilabay iyang identification card sa wala pa ang insidente.
Bisan pa man sa pagsulay sa mga lumalabay nga pugngan ang dalaga, wala na kini masalbar pa. Narekober sa rescue team sa MDRRMO ug kapulisan ang lawas ni Putis bandang alas-6:40 sa gabii.
Sa pagkakaron, nagpaabot pa ang tanan sa opisyal nga pamahayag gikan sa kapulisan samtang nagpabiling hilom ang kabanay sa biktima sa maong trahedya.
Photo Courtesy: Dharling Subrado
