Mikatag sa social media ang mga hulagway ni Kris Aquino nga nagpakita nga mas himsog ug mas hayag na ang iyang panagway sa pagsaulog sa iyang ika-55 nga adlawng natawhan. nakita sa mga litrato nga “normal na ang awra” sa Queen of All Media kumpara sa iyang miaging mga update diin klaro ang iyang pagkapayat tungod sa sakit.
Gisaulog ang iyang birthday pinaagi sa usa ka simple nga breakfast celebration uban ang pipila ka suod nga higala ug ang iyang doktor nga si Doc Ging Zamora. Adunay lechon, cake, ug mga dekorasyon nga nagpuno sa kalipay sa maong okasyon.
Daghang netizens ang nagpasalamat sa doktor tungod sa padayon nga pag-atiman ug suporta kang Kris samtang nag-antos kini sa iyang mga condition. Bisan pa sa iyang giagian nga seryosong kahimtang sa panglawas, nagpadayon si Kris sa pagpakita og positibong panan-aw sa kinabuhi.
Ang iyang mas maayong panagway karon naghatag og paglaum sa iyang mga fans nga padayon ang iyang pag-ayo ug posible nga makabalik siya sa mas aktibong showbiz ug online engagements sa umaabot.
Photo Courtesy: KRIS AQUINO
