Temporaryong gisirado sa tanang motorista ang bahin sa kalsada sa Lanuza–Cortes Road sugod alas 8:00 sa gabii, Pebrero 12, 2026, tungod sa padayon nga kusog nga ulan sa lugar.
Sumala sa Department of Public Works and Highways (DPWH) Surigao del Sur 1st District Engineering Office, gihimo ang pagsira sa maong kalsada isip precautionary measure aron masiguro ang kaluwasan sa publiko batok sa posibleng landslide, baha, ug uban pang peligro sa dalan.
Gipahimangnoan ang mga motorista nga likayan ang maong rota, mogamit og alternatibong dalan, ug magpabiling alerto sa mga posibleng hazard samtang nagpadayon ang dili maayong kahimtang sa panahon.
Magpagawas usab og dugang nga update ang mga otoridad sa higayon nga moayo na ang sitwasyon ug luwas na nga maagian ang kalsada.
Gihangyo ang publiko nga magpabiling mabinantayon ug mosunod sa mga advisories sa mga otoridad alang sa kaluwasan sa tanan.
