Nitala ang rehiyon sa Caraga ug 3.3 porsiyento nga inflation rate niadtong Enero 2026, mas taas kumpara sa 2.6 porsiyento nga narehistro niadtong Disyembre 2025, sumala sa Philippine Statistics Authority (PSA) Caraga atol sa ilang press conference.
Matod sa PSA, ang pagsaka sa inflation gipangunahan sa paspas nga pagtaas sa presyo sa mga pagkaon ug non-alcoholic beverage, ilabina sa bugas, uban pang pelagic fish ug tuna.
Usa sa mga dako nga nakaamot sa pagsaka sa inflation mao ang sektor sa housing, water, electricity, gas ug uban pang fuel. Nakadugang sa pagtaas sa presyo ang mas mahal nga abang sa balay, fuel wood ug kuryente sa maong panahon. Nakatampo usab sa pagsaka sa inflation ang pagmahal sa presyo sa sibuyas ug shallots, kape uban pa.
Samtang, mikunhod gamay ang inflation rate sa Dakbayan sa Butuan ngadto sa 6.2 porsiyento gikan sa 6.3 porsiyento niadtong Disyembre 2025. Apan, misaka ang inflation rate sa mga probinsya sa Agusan del Norte, Agusan del Sur, Surigao del Norte, Surigao del Sur ug Dinagat Islands sa maong bulan.
Photo courtesy: obj
