Namahayag si Cebu City Mayor Nestor Archival nga maninguha kini nga adunay Breath Analyzer sa Dakbayan sa Sugbo aron magamit sa Cebu City Medical Center aron dali nga mahibaw-an ang indibidwal kun naa ba sa impluwensya sa ilimnon nga makahubog ilabi na kung nalambigit sa disgrasya.
Kahinumdoman nga usa ka young entrepreneur ang namatay human sa disgrasya nga nahitabo didto sa Maria Luisa Village, Barangay Banilad, Dakbayan sa Sugbo niadtong Pebrero 08, 2026 diin hangtud karun nagbangutan ang pamilya ni Kingston Ralph Cheng, ang biktima aron makuha ang hustisya sa kamatayon niini.
Human gipagawas sa kapulisan nga nagnegatibo ang maong suspek sa alcohol test, gibutyag ni Mayor Archival nga pipila na ka-oras nalandig sa tambalanan ang suspek og nahatagan na kini og pasiunang tambal una na test, posibling hinungdan nga nagnegatibo kini.
Samtang gihangyo sa Mayor ang kapulisan nga mamahimong transparent sa ilang mga statement nga ipagawas aron masabtan sa publiko ang tinuod nga resulta og aron makita sa katawhan nga naningkamot ang mga kapulisan sa dakbayan nga makahatag og saktong impormasyon.
Photo Courtesy:CEBU CITY MEDICAL CENTER
