Nadakpan sa kapulisan ang Top 9 Most Wanted Person sa lebel probinsyal atol sa pagserbisyo sa warrant of arrest alas 5:05 sa hapon niadtong Pebrero 10, 2026 sa Purok 3, Barangay Santa Cruz, San Benito, Surigao del Norte.
Ang operasyon gipangunahan sa Bansalan Municipal Police Station ubos sa pagpanguna ni PMAJ Fidelito U. Viola Jr., kauban ang San Benito Municipal Police Station ug Provincial Intelligence Unit sa DSPPO.
Ang dinakpan giila nga si alyas “Calixto,” 50-anyos, negosyante ug residente sa Malaloan Compound, Kidapawan City, North Cotabato.
Ang warrant of arrest giisyu ni Hon. Alexander Balingit Yarra sa RTC Branch 21, Bansalan, niadtong Oktubre 18, 2024 tungod sa kasong paglapas sa RA 9165 Section 5 ug 11 nga adunay girekomendang piyansa nga napulo ka libo ka pesos matag kaso.
Gipasabot sa suspek ang iyang katungod ubos sa Miranda Doctrine ug gipailalom sa booking ug dokumentasyon.
Sa kasamtangan, anaa na sa kustodiya sa San Benito Municipal Police Station ang dinakpan alang sa hustong disposisyon.
