Patay ang driver sa motorsiklo, sa nahitabong disgrasya sa Roundball, National Highway, Barangay Poblacion, Matalam, Cotabato, buntag niadtong adlawng Miyerkules Pebrero 11, 2026.
Giila ang namatay nga driver nga si Gerald Candidier Macoy, 37-anyos, minyo, samtang angol usab ang 4-anyos nga anak niini, nga pulos residente sa nahisgutang lugar.
Sa taho sa Matalam MPS, gimaneho ni Christopher Virgina Dagami,48-anyos, minyo, residente sa Barangay Onica, Kidapawan City, ang Forward truck nga adunay plakang GRC373.
Sa inisyal nga imbestigasyon, parehong ginasubay sa duha ang parehong direksyon, kung asa anaa sa outer lane ang motor ug anaa sa inner lane ang truck, dihang kalit nga nikabig ang truck paingon sa direksyon sa M’lang ug wala niini namatikdan ang motorsiklo hinungdan sa maong disgrasya.
Dali usab nga gidala sa balay tambalan ang mag-amahan, apan gideklarang patay sa doktor ang driver, samtang ang anak niini nga nakaangkon og mga samad og padayong pang giatiman sa mga Doctor.
Sa karon, padayon pa ang ginahimong imbestigasyon sa Matalam MPS sa maong panghitabo.
