Dakpan ang usa ka lalaki kinsa giilang Most Wanted Municipal level tungod sa tulo ka ihap sa kasong Qualified Rape of Minor pinaagi sa gilusad nga intelligence-driven operation sa kapulisan sa Purok 3, Barangay Labiray, lungsod sa Sergio Osmeña Sr., Zamboanga Del Norte niadtong Pebrero 9, 2026.
Giila ang dinakpan nga si alyas Mario, 57-anyos, mag-uuma ug residente sa maong barangay.
Gisikop ang suspetsado pinasikad sa warrant of arrest sa nasangpit nga kaso nga gipagula ni Nestor Rabulan Angeles, Presiding Judge sa Family Court, Branch 3, pinetsahan ug Pebrero 2, 2026 nga walay pyansang girekomendar.
Gipahigayon sa mga personahe sa Sergio Osmeña Municipal Police Station ang maong operasyon kauban ang 901st Maneuver Company, RMFB9, 1st ZNPMFC, ug 97th Infantry Battalion hinungdan sa malampusong pagkasikop sa maong akusado.
Balhog na sa selda sa Sergio Osmeña MPS ang dinakpan alang sa tukmang disposisyon.
Photo Courtesy: Sergio Osmeña MPS
