Narecord sa Home Development Mutual Fund o Pag-IBIG Fund ang pinakataas nga kontribusyon sa mga miyembro nga mikabat sa ₱160.41 bilyon niadtong 2025.
Sa pahayag sa ahensya, misaka og 21% year-on-year ang nakolektang kontribusyon gikan sa mga miyembro. Gipasabot sa Pag-IBIG nga ang pagtaas gimaneho sa padayon nga pagdako sa boluntaryong tigom, ilabi na ubos sa Modified Pag-IBIG II (MP2) Savings Program.
Matud ni Department of Human Settlements and Urban Development (DHSUD) Secretary Jose Ramon Aliling, nga chairman usab sa Pag-IBIG Fund Board of Trustees, ang kusog nga koleksyon nagpakita sa pagsalig sa mga miyembro sa mga savings program sa ahensya.
Dugang niya, ang dugang nga ₱27.61 bilyon nga tigom kumpara sa miaging tuig nagpalig-on sa pinansyal nga kahimtang sa Pag-IBIG Fund, nga makatabang sa pagpadayon sa ubos nga interest rates sa housing loans ug pagsuporta sa Expanded Pambansang Pabahay Para sa Pilipino (4PH) Program ni Presidente Ferdinand Marcos Jr.
Photo Courtesy: PAG-IBIG FUND
