Napugngan sa hiniusang pwersa sa National Bureau of Investigation (NBI), Philippine National Police (PNP) ug Department of Environment and Natural Resources (DENR) ang aktibidad sa ilegal nga minahan sa Libona, Bukidnon.
Sa gipahigayon nga ronda sa mga operatiba, nadiskubre ang usa ka underground tunnel nga ginagamit para sa mineral extraction.
Gawas niini, adunay mga heavy equipment nga nakita sa maong lugar apil na niini ang mga dump trucks, backhoes, large generator sets, ug processing plants.
Samtang nakaplagan usab ang mga commercial nga pabuto nga walay mga saktong permits. Kalabutan niini, 7 ka lalaking chinese nationals ang anaa na sa kustodiya sa awtoridad. Mag-atubang usab sa nagkaigong kaso ang mga naarestong indibidwal.
Photo Courtesy: LIBONA PNP
