Luwas ang 50 ka mga pasahero ug lima ka crew human nga nahagsa ang eroplano sa dagat sa Somalia.
Base sa inisyal nga imbestigasyon, nakaangkon og technical problem ang Starsky Aviation nga usa ka Fokker 50 plane pila ka minuto human ang pagtake-off sa Mogadishu International Airport.
Dugang pa sa Civil Aviation Authority (CAA) sa Somalia nga nihangyo ang piloto nga mobalik tungod sa problema apan pakyas kining nakahunong sa runway ug nag-overshoot sa Tarmac sa wala pa hingpit nga nihagsa sa mabaw nga bahin sa dagat.
Luwas sab nga nakagawas sa eroplano ang mga pasahero human nga nihagsa kini sa Indian Ocean.
Gidayeg nini ang paspas ug kalmado nga pagdesisyon sa piloto aron masiguro ang kaluwasan sa tanan. Padayon sab ang gihimong imbestigasyon sa mga awtoridad kabahin sa maong insidente.
Photo Courtesy: BBC
