Arestado ang usa ka tricycle driver human gironda sa kapulisan ang iyang balay alas 3:25 sa hapon, niadtong nakalabay nga adlaw. Ang operasyon gipahigayon sa Provincial Intelligence Unit sa DSPPO isip lead unit, pinangulohan ni PCPT Diosdado S. Niones II, kauban ang mga sakop sa Digos City Police Station ug 1st DSPMFC SWAT team.
Gikasa sa mga awtoridad ang Search Warrant No. 25-2025 nga gi-isyu ni Hon. Maria Fe D. Orig-Maloloy-on, Executive Judge sa RTC 11th Judicial Region, Digos City, batok kang alyas “Key,” minyo, residente sa Purok Yellow Bell, Pier Uno, Colorado, sa dakbayan.
Atol sa search operation, narekober ang usa ka kalibre .38 nga pistola nga walay serial number, lima ka buhing bala nga sulod sa chamber, unom pa ka buhing bala nga naa sa leather holster, National ID, ug itom nga sling bag.
Ang suspetsado ug tanang nakumpiskang ebidensya anaa na karon sa kustodiya sa Digos City Police Station alang sa tukmang dokumentasyon, imbestigasyon, ug pagpangandam sa pagpasaka sa hustong kaso batok sa suspetasdo.
