Patay na ang Pinoy Para chess player nga si Sander Severino sa edad nga 40-anyos. Gikumpirma kini sa iyang pamilya nga nakabsan sa kinabuhi si Sander sa ilang panimalay sa Silay, Negros Occidental.
Sa dihang walo pa lang ka tuig ang iyang panuigon, gihatagan na siya sa iyang doktor og tagal o taning nga mabuhi hangtod 20-anyos lang tungod sa sakit nga muscle dystrophy degeneration.
Niadtong miaging bulan, nagdala pa siya og lima ka bulawang medalya sa ASEAN Para Games nga gipahigayon sa Thailand.
Mibuhagay usab ang mga pahasubo gikan sa iyang mga kauban nga atleta sa nasod.
Photo courtesy: James Infiesto/ Facebook
