Gi-angkon ni Barangay Agusan Kapitan Andrew Melliza nga kini ang pinakaunang panghitabo nga adunay pagdahili sa yuta nga miresulta sa pagkamatay sa upat ka mga individual sa iyang nasakopan sa Barangay Agusan sa syudad.
Matod ni Melliza nga kanunay sila gapanawagan sa mga residente nga dool sa bakilid nga yuta o suba nga dili na hulaton pa nga mosaka ang lebel sa tubig-suba ug kinahanglan nga sila mag-evacuate na aron masiguro ang ilang kaluwasan sa ilang kinabuhi.
Kahinumduman nga sa paghapak sa bagyong basyang sa nakalabayng adlaw usa ka mangilngig nga hitabo sa nahisgutan barangay, gumikan sa pagdahili sa yuta ug upat ang nakabsan, duha ka mga bata ug magtiayon human matabunan sa yuta.
Photo courtesy: Office of the City Mayor-Cagayan de Oro City
