Gidid-an sa Spain ang mga bata nga ubos sa 16-anyos sa paggamit sa social media. Matod sa Prime Minister sa Spain nga si Pedro Sánchez, ang mga bata kinahanglan dili maladlad sa mga lugar nga dili nila dapat adtoan.
Tungod kay ang social media, ingon niya, diin makita ang daghang pag-abuso, pornograpiya, pagmaniobra ug kapintasan.
Sa iyang pakigpulong sa World Governments Summit sa Dubai, gikatakdang mopasar sila og balaod nga manubag sa mga executive sa social media tungod sa kapakyas sa pagtangtang sa ilegal ug makadaot nga content.
Matod niya mahibaw-an lang kini pinaagi sa ilang paggamit sa bag-ong mga algorithm. Ang mga nasud sama sa Australia, France ug Denmark nagpatuman na sa pagdili sa mga bata ubos sa 16- anyos sa paggamit sa social media.
Photo Courtesy: The Dallas Morning News
