Igo na lamang sa pagmahay ang usa ka indibidwal human nga masikop atol sa gipatumang anti-illegal gambling operation sa mga otoridad didto sa Brgy. Dahican, Mati City, Davao Oriental niadtong nakalabay nga adlaw.
Ang operasyon gikasa sa mga personahe sa Mati City Police Station nga nagresulta sa pagkasikop sa usa ka babaye kinsa nalambigit sa illegal nga pagsugal. Atol sa operasyon narekober gikan sa suspetsado ang lain-laing gambling paraphernalia ug bet money isip ebidensya.
Sa kasamtangan ang suspek anaa na sa kustodiya sa Mati City Police Station alang sa tukmang disposisyon ug mag atubang sa kasong paglapas sa RA 9287 (Illegal Numbers Game).
Photo Courtesy:Mati City Police Station
