Gipahibalo sa City Health Office (CHO) – Iligan ang temporaryong pagbalhin sa ilang Animal Bite & Treatment Center aron mapaayo ang pag-atiman sa mga pasyente ug matubag ang kakuLang sa lugar sa main facility.
Ang mga serbisyo ning kasamtangan gibutang sa Temporary Treatment & Monitoring Facility kun (TTMF), sulod sa PSD ug Carpool Compound, duol sa COA Satellite Office sa Barangay Del Carmen.
Ang pagbalhin nagtumong sa paghatag og mas komportable ug episyenteng pag-atiman sa mga pasyente, samtang gipakunhod usab ang crowded sa CHO Main Health Center.
Gisugyot usab sa CHO nga ang pagbalhin nagsuporta sa paningkamot sa pagpugong sa rabies, aron masiguro nga ang nagkadaghan nga pasyente nga nagkinahanglan og serbisyong panglawas makadawat og tukmang atensyon.
Ang mga pasyente nga nagkinahanglan og Animal Bite and Treatment, Social Hygiene Services giabisuhan nga ang main health center modawat lamang kanila hangtod sa adlaw’ng Martes, Pebrero 3, 2026. Human niini, ang tanang may kalabutan nga serbisyo hingpit nang ibalhin sa bag-ong temporaryong lugar.
