Nadakpan ang usa ka 17-anyos nga lalaki sa usa ka buy-bust operation sa Purok 14, Fd Rd 6, Barangay Tibal-og, Santo Tomas, Davao del Norte niadtong niadtong nakalabay nga gabie pinaagi sa hiniusang pwersa sa Santo Tomas Municipal Police Station ubos sa direktang pagdumala ni PMAJ Eduardo J. Corpuz, kauban ang RID 11 PIT Davao del Norte, 1102nd Maneuver Company, RMFB 11, ug Intel personnel sa 2nd DNPMFC.
Giila ang dinakpan nga si alyas Jun-jun usa ka Street Level Individual (SLI), laborer, ug non-government beneficiary nga nakalista isip illegal drug personality sa PNP-PDEA.
Nakuha gikan sa suspetsado ang mga ebidensya nga duha (2) ka heat-sealed transparent cellophane sachet nga naglangkob sa puti nga kristal nga substansya nga gituohang shabu, tinuod nga kuwarta nga gi-markahan ug gi-tag isip buy-bust money, ug uban pang markadong salapi. Ang kinatibuk-ang timbang sa droga gibanabana nga 0.5 gramo base sa Standard Drug Price ug mokabat sa Php4,000.
Gibalhog na karon ang suspek, ug ang tanang nakuha nga ebidensya anaa na sa kustodiya sa Santo Tomas Municipal Police Station alang sa hustong disposisyon ug pagpadayon nga legal nga proseso subay sa RA 9165 o Comprehensive Dangerous Drugs Act of 2002.
Photo courtesy : Pnp DavNor Stmps
