Nagpahigayon og barangay orientation ang Juander Radyo Tandag sa Purok Pagkakaisa, Barangay Sumo-Sumo, Tago, Surigao del Sur aron ipahibalo ug ipasabot sa katawhan ang mga tumong ug kalihokan sa Juander Radyo Loyalista Incorporated.
Atol sa maong orientation, gihatagan og dugang nga impormasyon ang mga residente bahin sa papel sa organisasyon, lakip na ang mga programa ug proyekto nga nagtumong sa pag-alagad sa komunidad ug sa pagpalig-on sa partisipasyon sa katawhan.
Ang maong kalihokan kabahin sa padayon nga paningkamot sa Juander Radyo Tandag nga mapalapdan ang ilang kahibalo ug serbisyo ngadto sa mga barangay sa lalawigan sa Surigao del Sur.
